Головна » 2015 » Январь » 7 » З РІЗДВОМ ХРИСТОВИМ !
З РІЗДВОМ ХРИСТОВИМ !

З РІЗДВОМ ХРИСТОВИМ!

Иисýсъ Христóво Рожде­с­т­вó си́це бѣ́: обручéн­нѣй бо бы́в­ши Мáтери егó Марíи Иóсифови, прéжде дáже не сни́тися и́ма, обрѣ́теся имýщи во чрéвѣ от­ Дýха свя́та.

Иóсифъ же мýжъ ея́, прáведенъ сы́й и не хотя́ ея́ обличи́ти, восхотѣ́ тáй пусти́ти ю́.

Сiя́ же емý помы́слив­шу, сé, áнгелъ Госпóдень во снѣ́ яви́ся емý, глагóля: Иóсифе, сы́не Дави́довъ, не убóйся прiя́ти Марiáмъ жены́ тво­ея́: рóждшеебося въ нéй, от­ Дýха éсть свя́та:

роди́тъ же Сы́на, и наречéши и́мя емý Иисýсъ: тóй бо спасéтъ лю́ди своя́ от­ грѣ́хъ и́хъ.

Сié же всé бы́сть, да сбýдет­ся речéн­ное от­ Гóспода прорóкомъ, глагóлющимъ:

сé, Дѣ́ва во чрéвѣ прiи́метъ и роди́тъ Сы́на, и нарекýтъ и́мя емý Емманýилъ, éже éсть сказáемо: съ нáми Бóгъ.

Востáвъ же Иóсифъ от­ снá, сотвори́ я́коже повелѣ́ емý áнгелъ Госпóдень, и прiя́тъ женý свою́,

и не знáяше ея́, дóндеже роди́ Сы́на сво­егó пéрвенца, и наречé и́мя емý Иисýсъ.

Иисýсу же рóждшуся въ Виѳлеéмѣ Иудéйстѣмъ во дни́ И́рода царя́, сé, волсви́ от­ востóкъ прiидóша во Иерусали́мъ, глагóлюще:

гдѣ́ éсть рождéйся Цáрь Иудéйскiй? ви́дѣхомъ бо звѣздý егó на востóцѣ и прiидóхомъ поклони́тися емý.

Слы́шавъ же И́родъ цáрь смути́ся, и вéсь Иерусали́мъ съ ни́мъ.

И собрáвъ вся́ первосвящéн­ники и кни́жники людскíя, вопрошá­ше от­ ни́хъ: гдѣ́ Христóсъ раждáет­ся?

Они́ же рекóша емý: въ Виѳлеéмѣ Иудéйстѣмъ, тáко бо пи́сано éсть прорóкомъ:

и ты́, Виѳлеéме, землé Иýдова, ни чи́мже мéнши еси́ во влады́кахъ Иýдовыхъ: изъ тебé бо изы́детъ вóждь, и́же упасéтъ лю́ди моя́ Изрáиля.

Тогдá И́родъ тáй при­­звá волхвы́, и испы́товаше от­ ни́хъ врéмя я́вльшiяся звѣзды́,

и послáвъ и́хъ въ Виѳлеéмъ, речé: шéдше испытáйте извѣ́стно о отрочáти: егдá же обря́щете, воз­вѣсти́те ми́, я́ко да и áзъ шéдъ поклоню́ся емý.

Они́ же послýшав­ше царя́, идóша. И сé, звѣздá, ю́же ви́дѣша на востóцѣ, идя́ше предъ ни́ми, дóндеже при­­шéдши стá верхý, идѣ́же бѣ́ отрочá.

Ви́дѣв­ше же звѣздý, воз­рáдовашася рáдостiю вéлiею зѣлó,

и при­­шéдше въ хрáмину, ви́дѣша отрочá съ Марíею Мáтерiю егó, и пáдше поклони́шася емý: и от­вéрзше сокрóвища своя́, при­­несóша емý дáры, злáто и Ливáнъ и сми́рну.

И вѣ́сть прiéмше во снѣ́ не воз­врати́тися ко И́роду, ины́мъ путéмъ от­идóша во странý свою́.


Новину додано: 2015-01-07, 01:29 | Переглядів: 974